تعبت ابكــي .. تعب اشكــي ..

تعبت أشكي
تعبت أبكي
تعبت أحكي مآسي الروح
قتلني الوقت بظروفه
ذبحني وجفف أنهاري
أخبي علتي وأسكت وأنافي داخلي مذبوح
أجامل وأرسم الضحكه وأناقلبي على ناري
‏
أحاول والله يعلم بي
أداري دمعتي لاأبوح
أداري الجرح وأتجاهل عن اللي ينشدأخباري
أقول:بخير
لكني جريح وفي حشاي جروح
صداها لو دفنته يوم يبان سنين بأنظاري
‏
صرخت بحسرتي
يكفي
صرخت بصوتي
المبحوح
ألاياوقت وش ذنبي عشان ألفيك بأعذاري
تبعثرحلمي قدامي
وغديت بدنيتي منزوع
‏
وقفت ولاقدرت أجمع
مغير مشتت أفكاري
أمني النفس وأخدعها
وأقول:
إن كربتي بتروح
وهي والله مولوده قدر في أرحام أقداري
قتيل والبقى براسي بدنيامابها مصلوح
قتيل والقهرقاتل من اللي بياخذ بثاري
‏
أناببقى ضحية وقت أعاني والعنامجروح
‏
‏
دعيت اللي خلق يرحم
رجيته ربي الباري
‏
أبي أسعدأنابلحظه قبل نزعه توافي الروح
قبل ماأرحل عن الدنيا وأروح لآخر دياري
أنابحمل صديد الجرح في باقي وقتي المسموح..
وإذا وافتني المنيه ترى هالبيت تذكاري
رثاني دمعي الطاهر في صمته مارضى بالنوح
رثتني قسوةالدنيا
رثتني حتى أشعاري

وجزت اللي ذبح قلبي وعشته بالخفى مشروح
‏
لجل ماأضعف بعين اللي نشدني كيفها أخباري...